Un tempo atrás o meu servidor caseiro puxo punto e final a súa vida útil. Un servidor armado a base de retais doutras máquinas máis antigas salvo a praca nai e o procesador que foran mercados para tal fin. Bueno, confeso que a caixa tamén fora mercada … un erro como comprovei máis adiante. Unha caixa de servidor de tamaño xigante está moi ben se non vamos ter que mover nunca o equipo de sitio pero, como Murphy é caprichoso, ben rápido descubrín o suplicio que é ter que andar arrastrando dun sitio para outro unha caixa que pesa preto de 20 kilos.

Como o tema de estar sen un servidor onde centralizar certos temas me causaba certos inconvintes escomencei a baraxar certas alternativas para sustituir ao meu vello server. A primeira que pensei foi a de mercar un Mac Mini para que fixera esa función. Un cacharro fermoso, pequecho e de moi boa calidade. Esa opción foi tomando corpo cos rumores dunha próxima actualización do Mac Mini que me permitiría (supostamente) mercar un Mac Mini da xeración anterior con algunha rebaixa. Tiñao claro ata que un amigo me ensinou un cacharrete chamado eMachines EL1200 por menos de 200 euros.

O eMachines EL1200 é un ordenador de gama baixa pequeniño, ben deseñado e sobre todo barato, que ben aceptabelmente montado para un usuario sen moitas esixencias. Ten un punto feble no que a posibilidades de ampliación se refire e unha non moi grata sopresa que me deu por non lerme con calma as especificiacións.

Outro erro que cometín foi o de mercar, a maiores, unha caixa para o disco do vello servidor da marca Conceptronic: menudo cacho de merda en bote. Super ruidosa, con parafusos que se pelan con só tócalos e o peor de todo, imposibel de volver a compoñer unha vez pinchado o disco duro a non ser que sexa a marteladas.

Volvendo ao tema do emachines, cando abrín a caixa atopeime co ordenador ben protexido, teclado sinxelo pero bastante mono, un rato de bola !!!, un disco de recuperación do sistema e un par de DVD´s. O primeiro que fixen foi abrilo para verlle a tripas e pincharlle unha tarxeta PCI para a wifi que foi cando me levei o chasco que comentei antes. Se alguén quere unha Netgear por 12 leuros?

Comentar que o eMachines trae Ubuntu 8.04 preinstalado como sistema operativo. A miña primeira idea era a de instalar unha Arch Linux (que era o sistema operativo que tiña ultimamente o server) ou FreeBSD. Pero, por un lado a pereza propia de configurar un sistema operativo e por outra o feito de que na empresa na que traballo se usa moito Ubuntu e Debian decidiume a deixar as cousas como estaban.

Unha vez arrancado o sistema, de facer un update e un upgrade, compartir algunhas carpetas e instalar un servidor de ssh o meu novo servidor esta listo para dalo todo. O funcionamento é fluido e, sobre todo, é moi pero que moi silencioso. Veremos haber canto tempo dura

Porque Gnome e NFS se levan tan mal?¿?

Como recordo, a parte dunha cantidade inmensa de material, o curso de innovación que fixen no CEI serviume para que me regalasen uns libriños que cando menos dous me parecen moi interesantes.

Despois dunha pequena visual o de Wharton School creo que está moi ben e pode ser unha lectura interesante para este Nadal.

Teño que recoñecer como xa fixen fai uns anos que o traballo que se desenvolve no CEI así como a atención da xente que alí traballa me parece do mellorciño.

Acaba de sair a convocatoria para o proceso selectivo de técnico auxiliar de informática. Sobre este tema xa se falou en profundidade en moitas ocasións. Sobre como se convertiu unha convocatoria orixinalmente libre nunha convocatoria Mundo Xuntuno. Unha pena para a xente que pagou durante anos academias pensando que era unha oposición libre sen concursiños nin gaitas.

Lendo as bases parece claro que foron redactadas por alguén da productora de Santiago Segura.

Ao respecto de como está o tema informático na Xunta é interesante votar unha ollada a este artigo da CNT que xa enlacei noutra ocasión:

http://www.cntgaliza.org/?q=node/682

Cousas interesantes que se extraen:

• Os servizos informáticos de Mundo Xuntuno están en mans de empresas privadas.
• Existe un grande déficit de persoal.
• En torno o 90% das persoas nas listas de contratación temporal teñen 0 puntos.
• Nesa lista só puntua o exame do 2002 e o tempo traballado na Xuntuna.
• Para traballar na Xuntuna como interino hai que ter aprobado o exame do 2002 (non choveu nin nada).

A vista destes datos é complicado entender unha convocatoria deste estilo senón fora vox populi o que xa sabemos.

Crédito da imaxe: http://www.geekherocomic.com

Parafraseando a Miro Pereira….

Fotos sacadas co telf. mentres paseaba a miña cadela por Bretoña.

Impresionante exibición de dominio dunha bici descendendo a todo meter polas empinadas costas alpinas.
Visto en: http://sainzajump.blogspot.com/

Un pouco de maxia e alegría para rematar unha semana que, coma nas anteriores, escasean as boas novas. Paz e Rock & Roll!

Sempre que chega o final de algo teño esa sensación de perda e de que non vou volver a ver a xente coa que compartín tempo e situacións máis ou menos divertidas. Antes do venres tal vez só votaría de menos a tres persoas que coñecín estos meses pero dende o venres vou votar de menos a moita máis xente: é o que teñen as ceas de despedida.

De corazón agardo que a todos lles vaia ben na vida.

Haber se con sorte volvemos facer outra cea para as clásicas batallitas.

Queres ver dous heroes?

Vía: Blog de Alec Oxenford

Comenzou un novo e interesante curso baloncestístico que promete dar emocións fortes e xogo de calidade.

Na NBA parece que as cousas a groso modo seguén igual salvo polos Mavs que se confirman como unha franquicia en caída libre liderados por unha superestrela rodeado de xogadores en franca decadencia nuns casos e moi mediocres noutros. Tal vez sexa este o ano dos Lakers…

Tamén está por ver o papel de xogadores como Rudy e sobre todo Calderón nun ano que tal vez pode ter papeletas para andar cerca do All Star se mantén o nivel que está a dar nestas primeiras xornadas.

Como ven sendo habitual a diversión e os grandes equipos están na conferencia oeste.

A ACB máis interesante dos últimos anos conta cun plantel de estrelas sobresaíndo entre todas elas Navarro. Haberá que ver se este é o ano de Rubio, probable nº 1 do draf dentro dun par de anos.

Unha liga super reñida con cinco firmes aspirantes ao título; Tau, Barça, DKV, Madrid e Unicaja. A nova etapa de Aíto seguro que fará que o Unicaja dea un paso ao frente. O mellor entrenador europeo seguirá dando leccións maxistrais.

Anque o Real Madrid empezou moi mal esta tempada seguro que estará pelexando nos playoffs. Ben é certo que ten peor equipo que nos últimos anos e quen fixo os fichaxes debería estar pegando selos en en vez de contratando xogadores.

Na Euroliga teño serias dúbidas de que os equipos ACB poidan desbancar aos clásicos das últimas finais, pero, en todo caso, nesta ocasión parece que as cousas están máis igualadas cos movementos de xogadores habidos nos meses do verán e tal vez se poida meter algún na Final Four. Outra cousa será sair victorioso desa guerra de trincheiras e intereses económicos.

“Menudo tapón te he puesto, nenaza” - Teletovic a Reyes

Anque lle deron bastantes paos a Teletovic por provocar a Reyes no partido Tau - Real Madrid e que desembocou nun reparto de hostias camiño dos vestiarios (penoso), o certo é que me recordou aos clásicos xogadores plavi dos anos 80 capaces de facer perder os nervos ao máis pintado con tal de opter unha mínima ventaxa. Tema a parte son os zumbados que apedrearon o bus do Madrid, unha lacra que non se limita ao mundo do fútbol.

I love this game